Er bir müim tarihiy vaqianıñ öz glossariyi, yaki eñ çoq qullanılğan ve bu devirnen eñ çoq assotsiatsiyalanğan sözler taqımı bar.

Bugün Ukraina, rus tecavuzcısınıñ balaban telükesi ögünde turmaqta, KHVnıñ serlevalarında ve laflarda bazıda «tecavuz», «telâş» ve «telüke cemidanı» sözleri peyda ola. Faqat glossariyniñ bütün menfiy parçalarından tek bir söz, bu cünleden «BİRLİK», ziyade ola. Ve bu, güzel nutuqlar ve yürekten çıqqan metinler içün abstraktsiya olmay. Kerçekten de bu ariflerde asırlar devamında şekillendirilgen halqımıznıñ qıymeti saqlanğandır.

Birlik – Volodımır ve Yaroslav devirlerindeki quvetli Kıyıv Rusı.

Birlik – ukrain topraqlarında qazaqlıq namını tarqatqan on biñlerce ateşköz kişi.

Birlik – Dneprniñ eki yalısındaki ukrainlerni birleştirgen UHC ve ĞUHCni birleştirme aktı.

Birlik – serbest Ukrainanıñ bir hayal degil, kerçeklik olğanını istibat etken millionlarca vatandaştan ibaret olğan «Canlı zıncır».

Birlik – Granitteki inqilâp vaqtında devlet maşnasını yeñgen studentlerniñ ruh quveti.

Birlik – Ukrainanıñ mustaqilligini ilân etme bahtlı anı.

Birlik – Portaqal inqilâp vaqtında adaletlilikniñ ğalebesi.

Birlik – Kök Yüzniñ Qaramanlarına umumiy halqara qaar.

Birlik – tecavuzcınıñ ilk işğali vaqtında Ukrain devletini qasevetlegen ordu, göñülliler ve bütün pervalılar.

Birlik – bu…

Birligimizniñ yañı saifesi tamam şimdi yazılmaqtadır. Ve tarihta nasıl qalacağı er birimizge bağlı. Bu qıyın vaqıtta birlikte olayıq, bir birine işanayıq ve orta iş, bu cümleden Ukrainanı qorçalamaq içün bütün kelişamamazlıqlarnı unutayıq.

Reintegratsiya nazirliginiñ umumiy ukrain «Birlik» fleşmobına qatılıñız, #quvetlimiz_çünki_birliktemiz heşteginen videolarıñıznı çekiñiz.

Birligimizde quvetimizdir!

Ukrainağa şan-şerefler olsun!