Ukraina Prezidentiniñ 2022 s. fevral ayınıñ 14-ündeki “Ukrain cemaatını birleştirüvge dair acele tedbirler aqqında” №53/2022 Emrini ve Nazirler Kabinetiniñ 2022 s. fevral ayınıñ 14-ndeki “Prezidentniñ Emrini yerine ketirmek içün tedbirler planını tasdıqlama aqqında” № 147-р Emrini yerine ketirmek içün fevral ayınıñ 14-ünden 18-ine qadar Donetsk ve Lugansk vilâyetlerinde Reintegratsiya nazirligi tögerek masalarnı keçirmekte.

Olarnıñ maqsadı, çatışuvlarnen zemaneviy iş usullarını kirseterek, çatışuvlarnı talil ameliyatlarını aprobatsiya eterek ve olarğa qarşılıq kösterme sistemasını yarataraq içtimaiy birlikni pekitmektir. Profil mütehassısları, barışıq yolunen, bu cümleden gruppa dialog ceryanlarını teşkil etip, çatışuvlarnı farqlı çezüv tecrisini aktiv tarzda muzakere etecekler.

Bugün mezkür tögerek masalarnı Reintegratsiya nazirliginiñ vekilleri Donetsk vilâyetinde: Konstântınivka ve İllinivka şeerlerinde keçirdiler. Daa bu teşebbüsniñ işinde çatışuvlarnıñ transformatsiya aletlerini pek yahşı bilgen Geomalümat nezaret, talil, qıymetlendirme ve çatışuvlarnı çezme sistemasınıñ (GNTQÇÇ) mütehassısları iştirak eteler.

Böylece, tedbirler vaqtında Şarqta, bu cümleden medeniy tedbirlerni teşkil eterek, içtimaiy birlikni pekitmek içün yönelişler muzakere etildi. Daa laf, Donetsk vilâyetiniñ toprağında yerleşken Belçika mirasını ğayrıdan tikleme meseleleri aqqında edi.

Bundan ğayrı, tögerek masalarnıñ iştirakçileri, Reintegratsiya nazirliginiñ Barışını inkişaf etüv saasındaki faaliyetini ve nu saada orta iş mehanizmlerini muzakere ettiler.

Fevral ayınıñ 14-ünde mezkür tögerek masalarnıñ Lugansk vilâyetiniñ Novoaydar ve Severodonetsk şeerlerinde, fevarl ayınıñ 15-inde ise Milovede, fevral ayınıñ 16-sında Lugansk vilâyetiniñ Svatove şeerinde keçirilgenini qayd etemiz. Fevral ayınıñ 18-inde Donetsk vilâyetiniñ Manğuş qasabasında bu dialog «marafonı» bitirilecektir.

Tögerek masalarnıñ teşkilâtçılarına köre, beklengen neticeler arasında yerli cemaatnıñ çatışuvlarnıñ transformatsiya usuliyetlerinen ögrenmesi ve farqlı seviyelerde dialog meydançıqlarını tapmasıdır. Mahsus aktsent, silâlı tecavuz neticesimnde menfiy tesirge oğrağan cemiyetlerniñ tecribesini uyğunlaştırmada ve anda istemegen neticelerniñ aldını almamaq içün çatışuvlarnı peyda oluv farqlı telükelerini ögrenmededir.

#UAberaber