“Ukrzaliznıtsânıñ” resmiy Telegram-kanalı, demir yol naqliyatı vastasınen Donetsk ve Lugansk vilâyetlerindeki cebege yaqın şeerlerden, huşudan Mariupoldan, tahliye reyslerini teşkil etkenini haber etti.

Demir yolnıñ eñ yaqın planlarına dair, böyle bölgelerden ve vokzallardan ealiniñ tahliye etilmesi planlaştırılır:

Lugansk vilâyeti:

Eki tahliye treni Svatovo, Rubijne ve Lısıçansk şeerlerinden bugün kün maalinde ketecek.

Donetsk vilâyeti:

Eki tren Kramatorsktan, eki – Maroupoldan ve bir – Konstantinovkadan ketecek.

Kramatorsk şeerinden:

— saat 16:17de Dniproğa 400 kişilik 5 vagonlı tren ketecek;

— saat 20:21de Dniproğa 400 kişilik 6 vagonlı tren ketecek;

 

Mariupoldan:

— saat 13:14te Zaporijjâğa 420 kişilik 6 vagonlı tren ketecek;

— saat 16:18de Krıvıy Rihge 800 kişilik 10 vagonlı tren ketecek;

 

 

Konstântınivkadan:

— saat 15:00de 600 kişilik Hünday treni ketecek;

 

Odesadan:

Bugün Odesadan bir tahliye reysi ketecek.

“Telükesizlik meseleleri sebebinden açıq-aydın saat ve yer açıqlanmay. Ukrzaliznıtsânıñ resmiy saifelerinde yañartılğan malümatnı baqıñız ve şeerleriñizniñ vokzallarında beyanatlarnı diqqatlıca oquñız”, – şirkette bildirildi.

Böylece, “Ukrzaliznıtsânıñ” resmiy malümatını devren nezaret etmege ve oña köre – telâşsiz, sakin ve tüşünceli tarzda areket etmege tevsiye etemiz. Ukraina cenkleşe ve atta sakinliğiñiz ve aqılıñız da olacak ğalebege bir adımdır!

Daa Ukrzaliznıtsânıñ resmiy saifelerinde yañartılğan malümatnı baqıñız ve şeerleriñizniñ vokzallarında beyanatlarnı diqqatlıca oquñız ve demir yol naqliyatınıñ faaliyetine dair yañlış malümatnı tarqatmamağa tevsiye etemiz.

Ukrzaliznıtsâdan qoşma malümatnı bekleymiz.

Bu saifede yañartmalarnı oquñız.