burger

Ukraina fedakâr tarzda işğalcinen küreşe: adalet bizim olacaq!

Опубліковано 25 February 2022 року, о 7:37

Şimdi Ukraina Silâlı QIvetleri 4 yönelişte fedakâr tarzda mudafaa küreş areketleri keçirmekte. Siverskıy, Slobojanskıy, Tavriyskıy ve Birleşken quvetler operatsiyasınıñ rayonında. Daa paytahtnıñ sıñırlarında qıyın dögüşler keçirilmekte.

Ukrain halqı ve onıñ ordusı, bozmağan ruhını ve qarşılıq kösterüv idaresini köstermekte. Biz, maqsatnı, bu cümleden devletligimizni, milliy saylavımıznı yoq etmek, açıq-aydın olaraq añlağan ihtisasiy muntazam rus ordusınen küreşmektemiz. Ve işğalciler arasında endi iç “yolunı şaşırğanlar” ya da “tatilde olğanlar” yoq.

Birleşken quvetler operatsiyasınıñ rayonında ukrain ordusınıñ areketleri ayrıca muvafaqiyetlidir. Anda askerlerimiz Şçasta, Stanıtsâ Luganska, Lobaçevo ve Bilovodsk bölgelerinde gece ukrain ordularınıñ arqasına ketmege tırışqan düşman diversiya-hafiyelik gruppalarını bir qaç kere mahv ettiler. Daa qorçalayıcılarımız, ateş mevamlarına ve tehnikanıñ toplantılarına ve ciddiy telâfetni körgen ve esirge teslim olğan duşmannıñ ferdiy erkânına yahşı netice bergen top ateşini aça ediler.

Saba brifingi vaqtında Prezident Volodımır Zelenskiy, qorçalayıcılarımıznıñ cesürligi ve qaramanlığını qayd etti ve bütün devletni işğalcige aktif qarşılıq kösterüv ceryanına qatılmağa çağırdı.

«Erte-keç Rusiye Ukrainanen arbiy areketlerniñ bitirilmesi aqqında laf etmege kereli olacaq. Bu tecavuznı nasıl toqtatacağımıznı laf etemege. Ne qadar tez laf başlaycaq, o qadar az Rusiyeniñ telefi olacaq», – dep Ukraina devletiniñ başı qayd etti.

Aynı zamanda Vitse-baş nazir İrina Vereşçuk, Prezidentniñ ve bütün nazirlerniñ öz iş yerlerinde olğanını ve halqnen soñuna qadar beraber olacağını bildirdi.

«Rusiyeniñ maqsadı – halqımıznıñ fikirleri ve tüşüncelerini yaramaylaştırmaq ve bozmaq: akimiyetniñ ükümet kvartalından ketmesi içün qorqu ve telâş salmaqtır. Faqat biz halqımıznen mındamız ve düşmannı yeñecekmiz», – dep İrina Vereşçuk bildirdi.