Ukraina vitse-baş naziri İrina Vereşçuk ukrainlerniñ, tecavuzcınıñ işğalinden devletimizni qorçalamağa qatılmalarına çağırdı.

Şimdiki qıyın anda devletten ketmek degil, Territorial qorçalama teşkilâtına qatılmaq kerek, dep o hatırlattı.

«Maña aytalar ki, zengin erkekler oñaytlı maşnalar vastasınen em devlet içinde alınğan kişiler, em de qaçaqlar devletni taşlap ketmege tırışalar, – dep İrina Vereşçuk hulâsa çıqardı. – Qadınlar, balalar, pensiyalılar ve az mobil olğanlarnıñ sıñrını keçmege ve ayatları, sağlığı içün daa telükesiz bir zonağa ketmege istegenlerini añlayım. Erkeklerni qorqmamağa pek rica etem! İmkânıñız olsa, apaylarıñız ve balalarıñıznı yollap telükesiz bir yerde qaldırıp qaytıñız, territorial qorçalama teşkilâtına qatılıñız. Çünki bu, bizim muqaddes işimizdir! Devletimiz olmasa, iç bir şey olmaycaq!» – dep Vereşçuk çağırdı.