Ukraina vitse-baş naziri İrina Vereşçuk, vaqtınca işğal etilgen topraqlarından ve çatışma sıñırından insanlarnı tahliye etmege ne içün o qadar zor olğanını añlattı.

«İç bir şeyge baqmadan, bizge qadınlar ve balalarnı, öksüzlerni tahliye etmege imkânını berme ricamıznı körmesizlikke uraraq Rusiye gumanitar koridorlarnı ateşke tuta. Neticesinde grajdanlar arasında yaralanğanlar bar»,- dep memur hulâsa çıqardı.

Pek yazıq ki, keçmişte bu insanlar ruslarnı öz qardaşları olaraq köre eşitler, dep İrina Vereşçuk qayd etti.

«Ne olğanından ve keçenlerde olarnı “Gradlar”nen amansız ve yüzsüz olaraq ateşke tutqanından şoktalardır. Olar içün bunıñ be qadar büyük yara ve acı olğanını bilem. Bunı beraber çekecekmiz, ve olar bunı añlaylar. Ve öz devletinde yaşmağa, öz evine saip olmağa, telükesizlik duymağa ve Ruslar ya da başqa duşman tarafından öldürilmeyceklerini añlamağa pek isteyler»,- dep Reintegratsiya nazirliginiñ feneri añlattı.