burger

Rusiyeniñ cinayetlerini Gaagadaki «yañı Nyürnberg» baqacaq, olarnı qayd etemiz – İrina Vereşçuk

Опубліковано 2 March 2022 року, о 12:29

Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, Ukrainanıñ, halqara cinaiy makeme – Gaaga makemesine bermesi içün insanlarğa qarşı rus işğalcilerniñ yapqanı bütün cinayetlerni ve işğalciniñ gumanitar aqnı bütün bozmalarını qayd etkenini haber etti.

«Şimdi bombardımanlar, uçaq darbeleri, Cenevere şartnamesinen yasaq etilgen silâ türleri qullanılmaqta… Şimdi “yañı Nyürnberg” adlandırılğan Gaagadaki şiddetli makeme protsesi içün bütün bu cinayetlerni qayd etemiz. Biz bir-birimizi tutmaq kerekmiz, ordumız ise öz işini yapacaq», – dep İrina Vereşçuk bildirdi.