Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, yerli memuriyetlerniñ faal arbiy areketler rayonlarında bölgelerniñ yaşayış faaliyetini nasıl temin etmege ve grajdan ealini qorçalamağa tırışqanını añlattı.

«Şeerlerniñ, AGMniñ başları tek başına qurşunlar astında balalarnı alıp çıqalar. Volnovahadan üç yüzden ziyade vatandaş tahliye etildi»,- dep İrina Vereşçuk stagistikanı añlattı.

Aynı zamanda Halqara Qırmızı Haç kibi halqara gumanitar teşkilâtlar ne içündir esas missiyalarından birini yapmağa, yani arbiy areketler topraqlarında felâketke oğraşqan ealini qorçalamağa aşıqmay.

«Qırmızı Haçta aytalar ki, olarnıñ, grajdanlarnı alıp çıqmaq içün, gumanitar koridorlarnı teşkil etip “olmay”, amma halq ögünde bunı bildirmege istemey. Bütün dünyanıñ kimniñ qadınlar ve balalarnı ateşten  alıp çıqmağa izin bermegenini bilmesi içün sebepni bildirmege rica etemiz. Çıqış yapıp aqiqatnı aytmağa rica etemiz. Çünki bu, Rusiyeniñ cevapkâr olğanı halqara cinayettir! » – dep Reintegratsiya nazirliginiñ reberi qayd etti.