burger

İrina Vereşçuk: «Cenk sebebinden bir qaç ecnebiy studentler Ukrainadan ketip olmay, olarnıñ ayatları telüke astındadır»

Опубліковано 6 March 2022 року, о 15:17

Brifing vaqtında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı haber etti. Onıñ sözlerine köre laf, Hindistannıñ, Çinniñ, Türkiyeniñ, Pakistannıñ ve başqa devletlerniñ vatandaşları aqqındadır.

«Umumen bu, ukrain stidentleri, qadınları, balaları ve qartlarınen beraber açlıq, suvuq ve ateşler çekken eki biñden ziyade yabancıdır», – dep studentleri Ukrainada qalğan devletlerniñ büyükelçilerinen muntazam tarzda temaslar sündürgenini qoştı.

«Ya ukrainlı, ya Türkiye ya da Çinniñ vatandaşları, bizim içün farqı yoq. Er keske yardım etemiz. Belâğa oğrağan er kesniñ ayatı ve sağlığı içün göñlümizden yanıp küyemiz», – dep Vitse-baş nazir qayd etti.

 

Medeniy dünyanı, çoq ülkeniñ vatandaşlarını telükege oğratqanı Putinniñ tecavuzını toqtatmağa çağırdı.

«Bütün medeniy cemaatnı, sizni, serbest dünyanıñ ürmetli vatandaşları, öldürgen Putinniñ tecavuzına muayyen “yoq” aytmağa çağıramız. Gumanitar koridorlarğa beraber “ebet” aytmaq kerekmiz. Bu, siziñ vatandaşlarıñıznıñ ayatlarını qurtarmaq içün kereklidir. Yarın gumanitar koridorlarnıñ çalışacaqları içün elimizden kelgeni er şey yapayıq. Ve tek Mariupol yönelişine degil!», – dep çağırdı.