burger

«Dünya tüşüngende: kirişmekmi ya da kerişmemekmi – Rusiye, olarnıñ vatandaşlarını öldüre»,- İrina Vereşçuk

Опубліковано 7 March 2022 року, о 15:24

Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, vaziyet telükeli olğanından sebep şimdi Ukrainada başqa devletlerden 2,5 biñden ziyade studentniñ  evine tahliye etüv ihtiyacı olğanını haber etti.

 «Dünya tişingende: kirişmekmi ya da kirişmemekmi – Rusiye, olarnıñ vatandaşlarını öldüre. Türkiye, Çin, Hindistan, Afrika devletleri, Singapur – dünyanıñ er bir yerinden studentler… Bu, bütün medeniy dünya ögündeki bir belâ – ve iç kimse yardım etip olmay, – dep İrina Vereşuk haberdar etti. – Hususan, Summıdan Poltavağa (Summı şeerinde pedagogika üniversiteti, agrar üniversitetinde oquğan yabancı studentler çoq) sıñırlarnı açmağa rica etemiz – amma ruslar bizge red cevadınnı berdiler».

İrina Vereşçuknıñ haberdar etkenine köre, ukrainlerniñ Türkiye, Hindistan, ve başqa devletlerniñ elçiliklerine muracaat etip kerçekten ne olğanını añlatmaq niyeti bar.

Hususan, şimdi işğal etilgen ve ateşke tutulğan Mariupolda şimdi Türkiyeden 70 student bulunmaqtadır İrina Vereşçuknıñ bergeni malümatına köre, olarnı tahliye etmege yardım etmek içün Erdoğa bey Putinge ve ukrain tarafına murzacaat etti.

«Elimizden kelgeni er şey yapamız, amma ruslar, Mariupoldaki toplama noqtasında bulunğan insanlarnı “Grad”larnen ateşke tuttılar. Mezkür türk studedntleri ise camide saqlanmağa mecbur oldılar. Tüşünem ki, bu tsinizm aqqında bütün dünya bilmeli. Dünya liderleri ise Putinniñ adında kimnen işdeşlik yapqanını añlamaq kerekler», – dep Vitse-baş nazir qayd etti.

Daa o haberdar etti ki, bugün prezident Zelenskıynen Hindistannıñ başı laf ete edi. Türkiye elçisinen, Çinniñ ve başqa devletlerniñ reberlerinen muzakereler devam etmektedir, dep Reintegratsiya nazirliginiñ reberi qayd etti.