Telemarafonı vaqtında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, Summı şeeri iççün gumanitar koridor işiniñ başlanması aqqında haberdar etti. Bu, RF Mudafaa nazirliginen Qırmızı Haçnıñ Halqara eyyetine mezkür mektepte resmen kelişti. İnsanlarnı tahliye etmek içün gumanitar koridornıñ tek bir marşrutı bar: Summı – Golubivka – Lohvıtsâ – Lubnı – Poltava. Başqa bir marşrut aqqında kelişmedik. Faqa, İrina Vereşçuknıñ bildirgenine köre, insanlarnı başqa kelişilmegen ve telükeli marşurtnen ketirmesi içün rus tarafınıñ, gumanitar koridorlar işini bozmağa planlaştırması ve marşturnen manipulâtsiyalarğa azırlaması aqqında malümatımız bar.

“Rus tarafını, manipulâtsiya areketlerini yapmamağa ve vesiqada qayd etilgen vadeni kerçekleştirmege çağıramız. Laf, grajdan ealini, em de Çinden ve Hindistandan studentlerni Summıdan Poltavağa tahliye etüv aqqındadır. Daa laf, Summığa gumanitar yikni ketirüv aqqındadır. Biriniciden – azıq mahuslatı ve kerekli ilâçlar. Ukrain tarafı, kelişilgen marfrutnen bütün yolnı tamamınen temin etmege azır. Qırmızı Haç ve rus tarafı bu aqqında haberdqar oldı. Kıyıv saatine köre saat 9-da gumanitar koridor marşrutı boyunca tınç rejimi aqqında keliştik. Koridor saat 21-ne qadar çalışaycaq”, – dep Reintegratsiya nazirliginiñ reberi bildirdi.

Bütün marşrut boyunca Summıdan ketken insanlarnen ve bu şeerge ketken gumanitar yüknen naqliyat sırası içün tüm manialar yoq olmalı. Gumanitar yük sırasınıñ böyle marşrutı olacaq: Lohvıtsâ – Andriyaşivka – Romnı – Neyrığayliv – Summı. Keliştik ki, Kıyıv saatine saar 10-da ilk sıra Summıdan ketecek. Sıranıñ izine basıp öz naqliyatınen grajdan eali ketecek.

İrina Vereşçuk haberdar etti ki, ukrain tarafı RFna ve Qırmızı Haçqa «Volnovaha-Zaporijjâ», «Mariupol-Zaporijjâ», «Kıyıv ve Kıyıv vilâyeti – Ğarbiy Ukrainağa», ve «Harkiv ve Harkiv vilâyeti – Ğarbiy Ukrainağa» gumanitar koridorlar içün azırlanğan marşrutlarnı yolladı.

“Rusiyeni, bu marşrutlarnı acele olaraq tasdıqlap Qırmızı Haçnıñ Halqara eyyetini haberdar etmege çağıramız. Ve bu marşrutlar boyunca ateş bitirme turğun rejimini temin etmege [çağıramız]”, – dep Vitse-baş nazir bildirdi.

Şimdi tek resmiy malümat menbalarına ve ukrain akimiyetiniñ haberlerine işanmañıznı hatırlattı.