Kütleviy haber vastalarına intervyü vaqtında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı bildirdi.

«Rusiyenen aytışmalarnıñ devam etmesini isteymiz, – dep qayd etti. – Biz açıqmız ve bütün serbest dünya cemaatınen tögerek masa başında oturıp onıñ şaraitini muzakere ete bilemiz. Amma ğarbiy devletlerniñ Putinge qarşı bizim vastamıznen cenkleşmegenlerini söyleyerek cenkleştirmesine qarşımız».

Vitse-baş nazir qayd etti ki, bütün keçken seneler boyunca Ukrainanıñ NATO ve Avropa Birligine areket ceryanı qolay olmay edi.

«Şimdi ise onıñ yolunda cenkniñ çuqurları ve okopları bar. Olarnı, duşmannıñ uçaq darbesi vastasınen yoq olmağa degil, kelecekte yaşamağa ınıtılğan adiy ukrain insanlarnı qorçalaylar. Bunıñ içün Ğarptan muayyen bir cevap bekleymiz: ya Ukraina NATO ve Avropa Birliginde, ya da yoq», – dep İrina Vereşçuk hulâsa çıqardı.