BBC NEWS intervyüsinde Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçu Ukrainanıñ ne içün eñ yaqın zamanda ava qapatmağa talap etkenini, duşmanlarnıñ qırşavlağanı Mariupolda ne olğanını, işğalciniñ talaplarınıñ ne içün qabul etilmegeni ve devletimizniñ er bir vatandaşınıñ ne içün şimdi küreşkenini añlattı.

İrina Vereşçuk yabancı jusnalistlerge hatırlattı ki, Rusiye bir qaç kün devamında işğal ordularınıñ qırşavlağanı Mariupol şeerinden ateşten grajdan ealini alıp çıqmağa izin bermey. Tahliye eglengen vaqıt er kün grajdan eali arasında qurbanlarnıñ sayısı arta.

Hatırlatamız ki, işğalciler, keçenlerde kelişilgen gumanitar koridorlar aqqında añlaşmalarnı şimdi muntazam tarzda boza ve er vaqıt ealini tahliye etmege ve şeerge gumanitar yükni ketirmege izin bermey. Ateş, tınç rejimi ilân etken 20-30 daqqa soñ açıla.

«Gumanitar felâketnen çekişken ve yardımğa yalvarğan 300 biñ insan andadır! – dep İrina Vereşçuk qayd etti. – Balalar, qadınlar, qartlar ve insulinge bağlı insanlarnen cenkleşmeyler! Amma işğalciler olarğa çıqmağa izin bermey».

Ukrainanıñ Rusiyanen ateş mevzusında dialogğa azır olıp-olmağanı sualine İrina Vereşçuk, işğalci tarafından qoyulğan ultimatum şartlarınıñ qabul etilmez olğanını haberdar etti, çünki laf, tecavuzcınıñ territorial qast etmesi aqqındadır.

«Balalarımıznıñ közlerine nasıl baqacaqmız?» – dep İrina Vereşçuk soradı.

Ukraina zarar körgeni tecavuznıñ tek devletimizge yönelgen olmağanını, bunıñ bütün medeniy dünyağa qarşı çıquv olğanını hatırlattı.

Qapatılmağan ava şaraitinde dünya masştablı kerçek özek telükesi bar. Ukrain AES yanında ateşler ve aktiv arbiy areketler – çoq devlet içün telükedir, dep jurnalistlernen laf vaqtında İrina Vereşçuk bildirdi.

Ğarbiy dünyanı, tecavuzcıdan qorqmamağa çağırdı ve ukrain qadınlarnıñ silâ qullanmadan duşmanlarnıñ tanklarını toqtatqanını hatırlattı.

«Qorqmayıñız! Putin o qadar küçlü olmay. Bizimkilerniñ rus tanklarını nasıl – silâ qullanmadan toqtatqanını kördiñiz! Toprağımız içün soñuna qadar küreşmege azırmız. Cenkleşmege azırmız. Biz qorqmaymız!» — dep memur inandırdı.