Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, sıcaq ve gaz teminat ağlarını ve Mariupoldaki başqa kommunikatsiyalarnı tamir etmeleri içün tamir taqımlarına ketmege yol bermesini acele tarzda talap ete.

“Dünya cemaatını, öz diqqatını bu meselege fokuslandırmağa rica etemiz”, – dep çağırdı.

“Donetsk – Mariupol gaz magistralindeki raketa ve uçaq ücümleri neticesinde milliondan ziyade insan sıcaqlıqsız qaldı, – dep qoştı. – Mariupol, Berdânsk ve başqa meskün yerlerde gumanitar felaketke yol bermemek içün bozmalarnı temin etmesi içün mahsus tehnikanıñ ve tamir taqımınıñ ketmesine izin bermege talap etemiz”.

İrina Vereşçuknıñ sözlerine köre, Rusiye Federatsiyasınıñ elektrik hattınıñ bozğanı işğali astındaki Çornobıl AESnıñ vaziyeti de ayrıca raatsızlıq doğura. Neticesinde energiya blokları elektriksizlendirildi.