Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bildirdi ki, bugün mart ayınıñ 11-inde arbiy areketler devam etkeni eñ kergin bölgelerden ealini tahliye etmek içün gumanitar koridorlarnı daa bir kere açıla. Aksine yönelişte bu koridorlar vastasınen cebe yerlerinde ve cebege yaqın yerlerde yaşağan ealige azıq mahsulatı, ilâçlar ve suv ketirilecek.

«Ümüt etemiz ki, bütün bu yönelişler şimdi çalışa bilecek ve ealini tahliye etmek ve qalğanlarğa yardım etmek imkânımız olacaq!» – dep İrina Vereşçuk qayd etti.