Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, ealini arbiy areketler zonalardan tahliye şimdiki planlarını añlattı. Şu anda 10 gumanitar koridor tasdıqlandı.

Kıyıv vilâyetinde: 

– Boğdanivka ve Nıvıboğdanivka köylerinden – Brovarı şeerine;

– Barışivsk VDCnıñ Peremoğa köyünden – Brovarı şeerine;

– Bobrık köyünden – Brovarı şeerine;

– Ğostomel şeerinden – Biloğorodka köyüne;

– Nemişayeve ve Vorzel qasabalarından – Biloğorodka köyüne;

– Dmıtivka qasabasından – Biloğorodka köyüne;

Lugansk vilâyetinde böyle gumanitar koridorlarnı bekleymiz:

– Severodonetsk şeerinden – Slovyansk şeerine;

– Popasna şeerinden – Slovyansk şeerine;

– Girske qasabasından – Slovyansk şeerine.

“Bugün daa bir kere Berdânsk şeerinden Manğuş boyunca Mariupol şeerine azıq mahsulatınen ve ilâçlarnen gumanitar sıranıñ areketini bloktan azat etmege tırışacaqmız“, – dep İrina Vereşçuk tahliye planlarını daa tafsilâtlıca añlattı.

O, Melitopol şeeriniñ başı İvan Fedorovnıñ daa esirliginde qalğanını haberdar etti. Daa işğalcilerniñ bugün saba çalğanı Dniprorudensk şeeriniñ başı Yevgen Matviyevniñ taqdiri belli olmay. İşğalciler tarafından qurtarıcı Oleksiy Dançenko da azatlıqta marum etildi.

“Ümüt etem ki, Ğostomelge koridornıñ işi vaqtında mecburen tevqif olğan Olksiy Dançenkonı azat ete bilecekmiz. Keçirgenimiz işiniñ neticelerini aqşam maalinde añlatacağım. Er şey Ukraina olacaq!” – dep Reintegratsiya nazirliginiñ reberi qayd etti.