burger

«Rus işğalcileri Mariupoldaki vilâyet hastahanesiniñ ekimleri ve hastalarını reine aldılar» – İrina Vereşçuk

Опубліковано 16 March 2022 року, о 15:57

Rus tecavuzı neticesinde Mariupolda eñ facialı vaziyet çıqtı. «OstWest» alman kanalına intervyü bergende Ukraina Vitse baş naziri İrina Vereşçuk bunı bildirdi. O, şeerde balalarnıñ suvsızlıqtan ölgenlerini ve insanlarnıñ tek suv qaqlardan içmege zorlanğanlarını tasdıqladı. Uzun vaqıttır şeerde elektrik, gaz, sıcaqlıq ve suv teminatı yoq.

«Şeer endi eki aftadır bloklanğandır, – dep daa doru malümat berdi. – Öldürilgen tınç yaşağan sakinlerniñ sayısı biñlerce, bazıları alâ daa soqaqlardadır. Şiddetli arbiy areketler sebebinden qurbanlarnıñ kesin sayısını belgilemek mümkün olmay. O yerge gumanitar yardım ketirilmez, insanlar suzsız, aşsız qalalar».

Onıñ sözlerine köre, keçenlerde rus askerleri Mariupoldaki vilâyet intensiy tedaviy hastahanesini zapt ettiler.

«O yerge dört yüzden ziyade yerlini ketirdiler, – dep İrina Vereşçuk añlattı. – Bundan ğayrı, and tibbiyet hadimleri ve hastalar bulunmaqtalar. Şimdi işğalciler, insanlarnı canlı qalqan olaraq qullanaraq, onıñ toprağından şeerni sinsice ateşke tutalar».