Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, mart ayınıñ 18-indeki işlegen gumanitar koridorlarnıñ ve tahliyeniñ neticelerini añlattı.

Bugün 9 gumanitar koridordan tek 7 işledi. Olarnıñ vastasınen umumen 9145 kişi tahliye etildi.

Donetsk vilâyeti

Mariupoldan Zaporijjâğa deyerlik 5 biñ kişi, 1100-ü ise bala keldi. Gumanitar koridor boyunca öz maşnalarınen ketken Mariupollılarğa benzin qoymaq içün Berdânskqa benzin ketirmege becerdik.

Benzin qoymaq içün Berdânskta adresler: Kabelşçik sq. 132a ve Melitopolske şosse sq. 87b. Daa Mariupolnıñ 500 sakini avtobuslarnen Berdânskqa ketirildi. Planlarğa köre, yarın Berdânskqa 10 avtobus ketecek – olar Mariupollılarnı alıp ketirecek.

Sumı vilâyeti

Bölgede 4 biñden ziyade kişi tahliye etildi. Bu cümleden, deyerlik 3,3 biñ kişi Sumı şeerinden ketirildi. Em de Trostânetsk, Lebedın, Konotop şeerlerinden, Krasnopillâ ve Velıka Pısarivka qasabalarından.

Harkiv vilayeti

Kelişilgen marşrutta bugün yañıdan – işğalcilerniñ açqanı ateşler sebebinden – Bakaleya ve İzüm şeerlerine gumanitar yardımnı ketirmek içün koridorlarnıñ işi bozuldı.

«Herson, Harkiv ve Lugansk vilâyetleriniñ şeerlerine gumanitar yardımını ketirmek içün yarın marşrutlarnı tüşüşnip çıqaracaqmız. Daa insanlarnı Kıyıv vilâyetinden tahliye etmek içün gumanitar koridorlarnı azırlaymız», – İrina Vereşçuk dep mart ayınıñ 19-ı içün planlarını añlattı.

Arbiy esirler, habersiz coyulğanlar, rf tarafından qanunsız olaraq azatlıqtan marum etilgen kişiler, em de tınç yaşağan sakinler aqqında malümatnı toplamaq ve zarar körgenlernen kommunikatsiya etmek maqsadınen tünevin Milliy malümat bürosınıñ “sıcaq hattı” çalışmağa başlağanını hatırlatamız – 1648 ve (044) 287-81-65 (çet memleketlerden telefon etmek içün). Mezkür malümatqa saip olsañız, telefon etiñiz – MMB, er taraflı çalışma içün bir temelge saip olmaq içün eñ tez tarzda malümatnıñ tolu sicillerini şekillendirmege tırışa.