Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, mart ayınıñ 19-ı içün şu anda 10 kelişilgen gumanitar koridornıñ işine dair planlarını añlattı.
Donetsk vilâyeti
Berdânskta tehliyeni beklegen mariupolılarnı ketimek içün Mariupol şeerinden Zaporijjâğa bir sutun çıqtı. Daa avtobuslarğa Berdânsktaki Mariupolnıñ sakinleri içün yardım noqtaları içün azıq mahsularınen yük maşnaları da qatılacaq. Manğuş şeerinde o yerge, hususan yürüyerek, ketken tüm Mariupollılarğa kerekli yardım berile. Bugünden olar avtobuslarnen Berdânskqa ketirilmekte.
Kıyıv vilâyeti
- Bervıtsâ köyünden Brovarı şeerine marşturı. Mezkür köyden insanlar öz başına Mokrets köyündeki köpürge kelip, Trubij özenini Rayğospna soqağınıñ tarafına keçmeliler. Anda olarnı avtobuslar bekley.
Bütün marşrut: Bervıtsâ-Mokrets-Zavorıçi-Kalıta-Semıpolkı-Letkı-Rojnı-Puhivka-Zazımya-Brovarı.
“Diqqatlı oluñız: koridorlarnı açmaq pek qıyın, duşman yaramay niyetlinen añlaşmalarımıznı boza. Bunıñ içün tamam bugün olacaq imkânnı qullanmağa tavsiye etem”, – İrina vereşçuk dep mezkür meskün yerlerniñ sakinlerini çağırdı.
- Buça şeerinden Biloğorodka qasabasına marşrutı: Buça-Vorzel-Mıhaylivska Rubejivka-Zabuççâ-Dmıtrivka,Kapitanivka-Stoyanka-Ğorenıçi-Biloğorodka.
- Boğdanivka qasabasından Brovarığa marşrutı: Boğdanivka-Nova Boğdanivka-Rudnâ-Letkı-Rojnı-Puhivka-Zazımya-Brovarı.
- Borodânka şeerinden Bila Tserkva şeerine marşrutı: Borodânka-Piskivka-Bila Krınıtsâ-Koreçiv-Brusıliv-Fastiv-Bila Tserkva.
Lugansk vilâteti
- Lısıçansk şeerinden Bahmut şeerine ve Severodonetsk şeerinde Bahmutqa: Bahmut-Lısıçansk-Severodonetsk.
- Rubijne şeerinden Bahmut şeerine: Bahmut-Lısıçansk-Severodonetsk-Rubijne.
- Popasna şeerinden Bahmut şeerine ve aksine: Bahmut-Popasna.
Mezkür şeerlerfe gumanitar yükniñ – azıq mahuslatı ve ilâçlarnıñ ve insanlarnı tahliye etmek içün avtobuslarnıñ ketirilmesi planlaştırılır.
Herson vilâyeti
Hersonğa 14 yük maşanasından ibaret olğan gumanitar yardımnıñ ketirilmesi planlaştırılır.
Milliy malümat bürosınıñ telefon sıcaq hattınıñ nomeralarını hatırlatamız: 1648 ve (044) 287-81-65.
Bu nomerlarnen habersiz ğayıp olğan ve esir etilgen em askerler, em de grajdanlar aqqında malümat toplanmaqta.
Soñunda İrina Vereşçuk, şimdi gumanitar koridorlarnıñ yañı marşrutları üzerinde faal işiniñ olğanına inandırdı.