“Şimdiki zaman” (“Настоящее время”) kanalınıñ canlı yayınında Ukraina Vitse baş naziri İrina Vereşçuk, esirlerniñ deñişüv ceryanını añlattı.

Bölge seviyesinde qısmen ola bilgen zor bir yol-yoruqtır, İrina Vereşçuk dep daa doğru ayttı. Elbette, maqsatqa uyğun olsa.

Böylece, rus işğalcileriniñ esirligine oğrağan er kes bilmeli: er bir insanımız içün cenkeleşecekmiz, İrina Vereşçuk dep qayd etti.

«Merkeziy seviyede deñişme aqqında laf olsa, şimdi deñişme fondu teşkil etile, – İrina Vereşçuk dep haberdar etti. – Mezkür insanlar qayd ve identifikatsiya etilmekte, çünki mevcut cedveller kerçekke uyğun olmaya bilir. Em de insanlarnıñ qayda bulunğanları ve olarnı qaysı şartlarda tutulğanları aqqında tüm malümat toplanmaqtadır.Bu ceryan tek başlay».

Onıñ sözlerime köre, rus tarafınıñ alâ daa er angi bir deñişme talabı almadıq. İşğalciniñ vekilleriniñ esirlerini deñiştirmeknen iç meraqlanğanı aqqında malümat bar.

“Aleppo ve Harkivni bombardıman etken uçucılarınıñ esirligimizde olğanlarını qabul etmege istemeye bilirler. Belki de faştan qaçınmağa isteyler. Olarnıñ mantığını añlamaq zor, amma bu aqiqattır. Er angi bir tarzda grajdanlarnıñ tutulıp esir etilmesinen ve olarnı rus askerlerine deñiştirmek talaplarınen bizni şantaj etmege izin bermeycekmiz. Bu tür areketlerge halqara uquqiy qıymetlendirme yapılacaqtır»,- Vitse baş nazir dep inandırdı.