burger

Ükümet: cenkten zarar körgenlerge doğru üç adım

Опубліковано 19 March 2022 року, о 17:21

Prezidentniñ emrinen Nazirler Kabineti, devlet içinde alınğan kişilerni destek kompleks programmasını azırlay.

Volodımır Zelenskıy, Nazirler Kabineti, devlet içinde alınğan kişilerni – cenk sebebinden evinden marum etilgen er kesni destek kompleks programmasını azırladı. Bu programmanıñ muayyen temeli bar.

İlk qısım – maliyeviy: tüb DAK – yetişkenler ve balalar içün devlet yardımı. Daa devlet, vaqtınca bulunğanları bu köçip kelgenler içün iş yerlerini yaratmağa qayğıracaq. Er bir qorantanıñ ayat içün temelini tapması içün bu yapılır.

Ekinci qısım – mesken. Ükümet, mecburiy köçip kelgenlerge meskenniñ berilmesine dair muayyen tekliflerni azırlay. Cenk bitken soñ meskenniñ yañıdan qurulmasını nasıl teşkil etecegini çalışalar.

Üçünci qısım – arbiy areketler devam etkeni topraqlardan ketken ya da işğalden azat etken insanlarnı öz evlerinde yerleştirgen qorantalarğa yardım. Azğariy olatraq, bu kişilerge qalğanlarınen bağlı kommunal hızmetler masrafları tazmin etilecek.

Yaqın zaman içinde Ukraina baş naziri Denıs Şmığal, vatandaşlarımıznı destek kompleks programmasınıñ tüm hususiyetleri ve inceliklerini añlatacaq.

Keçenlerde teşkil etilgen Ukrainağa gumanitar yardımnıñ ketirilmesinen bağlı bütün meselelerni çezgen koordinatsiya ştabı endi işlemektedir. Prezidentniñ Ofisiniñ başı Andriy Yermaknıñ reberliginen, birinciden devlet içinde köçip kelgenlerge yardım etmek içün gumanitar yükniñ ketirilmesini faalleştirmek içün ukrain diplomatik korpusınen oturış keçirildi.

Qırmızı Haçnıñ Halqara Eyyetinen beraber ukrain memurları, 2022 s. fevral ayınıñ 24-ünden soñ mecburen çetke ketken vatandaşlarını yardımnen temin etmeli.