burger

«Vazifem insanlarnı qurtarmaq, ve biz bunı yapmağa devam etemiz!» – İrina Vereşçuk

Опубліковано 22 March 2022 року, о 18:50

«НВ» radiosına intervyü bergende Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, gumanitar koridorlarnı açmaq içün gece maalinde çalışmağa devam etkenini añlattı.

Böylece, duşman tarafınen gumanitar koridorlar aqqında añlamalar nasıl yapıla ve ne içün rusiye olarnı boza?

İrina Vereşçuk haberdar etti ki, rus tarafında işlegen gumanitar qarşılıq merkezinen alâqa bar. Anda temsilci – Sergiy İvanov tesbit etildi. İrina Vereşçuk, ukrain tarafınıñ muzakerecisi olaraq, onen resmen kommunikatsiya ete.

«Biz Qırımız Haçnıñ Halqara Eyyetine (QHHE) yollanmağa kerekli olğan mektüpler denişemiz. Er aqşam rus tarafından yapılğan bozmalarnı qayd etemiz, olardan QHHEniñ ögünde esap beremiz, sicilge kirsetemiz, er şey cinaiy davalar ve Gaagada halqara ve başqa makemelerde şaatlıq içün azırlaymız», – dep nazir bu işniñ hususiyetlerini añlata.

Gumanitar koridorlarnıñ açılması mevzusında añlaşma ceryanı kerçekten 24 saat devam etmektedir.

 «Vazifem insanlarnı qurtarmaq, ve bunı yapmağa devam etemiz!», – dep İrina Vereşçuk inandırdı.