Leh TVP Worldğa intervyü bergende Ukraina Vitse baş naziri İrina Vereşçuk, Lehistannıñ reberligine, Ukrainanı qıyın cenk sınavı vaqtında desteklemesi içün açıq yürekten teşekkür bildirdi.

«Cenk kösterdi: çoq lider ifade etmege qorqalar, sözlerni tapalar, aytışmalarğa ümüt eteler. Amma tamam Lehistan şu anda dünya içün bir örnektir. Tarihımızda bazı çatışma vaqialarına baqmadan lehler, vaziyet üstüne çıqmağa becerdiler. Çünki rusiye ve putinniñ yaratqanı telükesizliginiñ ciddiyetini pek yahşı añlaylar», – dep Vitse baş nazir ayttı.

«Siziñ vesayetiñiz, destegiñiz ve sevgiñizni duyamız. Qaçaqlarımıznen paylaşasıñız. Bizge devletimizni qorçalamağa yardım etken gumanitar yüknen ve maliyeviy olaraq destekleysiñiz», – o dep hulâsa çıqardı.