Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuknıñ teşebbüsinen Lehistan ükğmeti, Kıyıv vilâyetiniñ meskün yerleriniñ arbiy areketler sebebinden zarar körgen sakinleri içün gumanitar yardım topladı.

Böylece, bugün, Ukrainadaki Lehistan elçisi Bartoş Tsıhotskıynıñ ve VEİTnıñ reintegratsiya meseleleri naziriniñ muavini Oleksiy Borodaynıñ iştirakinen bu yardımnıñ ukrain tarafına resmiy berilmesi kerçekleşti.

Lehistan azıq, ilâç ve diger ihtiyac maddeleriniñ bulunğanı gumanitar yardımnınen 10 yük maşnasını yolladı.

Kelecekte Fastivdeki merkeziy gumanitar hablarğa boşatılması içün 3 yük maşnası yollanacaq, altı yük maşnası Bila Tserkva şeerindeki habğa ve bir yük maşnası Ukrainka şeerindeki habğa – eñ yaqın meskün yerlerge daa çoq noqta yardımı içün yollanacaqtır.