Frenk Liberation neşrine intervyüsinde Ukraina Vitse baş naziri İrina Vereşçuk, deñiz şeerindeki vaziyetni böylece tasvirledi.

«Bu, putinniñ 2014 s. şeerni zapt emgenden soñ Mariupolnıñ sakilerinden şahsiy intiqamıdır, – dep memur ayttı. – İstese edi, Mariupol gumanitar koridorı endi açıq olur edi».

Onıñ fikrince, şimdi ruslarnı iç bir şey toqtamay. Olar, qaçaqlarnıñ hususan balalarnıñ ateşten saqlanmağa tırışqanları hastahanelerni, teatrni, cami ve kilselerni viran etmege devam eteler. Bu, rus diktatorcısınıñ halqara gumanitar ğayretlerni körmemezlikke urğanını ve dünya cemaatınıñ zayıflığını köstere.

«Başqa yönelişlerde de gumanitar koridorlar vaziyeti qıyındır. Yerlerinde rus ve ukrain komandanları bir-birinen laf etmeyler. Aracı Qırmızı Haçnıñ Halqara Eyyetidir. Biz koridorlarnı teşkil etemiz, Qırmızı Haç ise olar aqqında kelişe. Bunen bağlı bazı zorluqlar bar, bunıñ içün sutunlar muntazam tarzda ateşke tutula», – dep Vitse baş nazir qayd etti.