Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, tahliye ve gumanitar yükniñ teslimi içün mevcut planlarını añlattı.

Mart ayınıñ 24-ü içün 7 gumanitar koridor kelişildi.

DONETSK VİLÂYETİ

Mariupol – Zaporijjâ

İnsanlarnıñ Mariupoldan Zaporijjâğa tahliyesi içün böyle marşrutlar işleycek:

1. Berdânsk – Zaporijjâ
Toplama yeri – Melitopolske şose sq., 27 sport kompleksi.

24 avtobus şu anda Berdânsknıñ kirişinde bulunmaqta, yaqın zamanda olarğa daa 21 avtobus qatılacaq – o naqliyat saat 6-da Tokmak şeerinden çıqtı. Blok noqtasını keçken soñ tahliyeni başlatmaq içün olar sport kompleski ögündeki meydanğa yollanacaqtır.

Benzin maşnası, Berdânskta mariupollılarnıñ maşnalarına benzin qoymaq içün benzin yedegini yañartmalı.

Benzin qoyma adresleri: Shidnıy caddesi, 4a ve Melitopolske şost sq., 87b

Mariupollılarğa yardım ştablarında azıq ve ilâç yedegi de yañartılacaqtır.

«Söz berilgen aydayıcılarımıznıñ ve FVDHniñ qurtarıcılarınıñ Manğuş şeerinde azat etilmesini bekleymiz. Melekıno ve Nikolskege ketmege tırışacaqmız!»- dep İrina Vereşçuk qayd etti.

ZAPORİJJÂ VİLÂYETİ

Poloğı – Zaporijjâ

Toplama yeri – şeer şurası
Tahliye avtobusları Tokmak şeerinden saba saat 6-da yollanacaqtır.

Melitopol – Zaporijjâ

Toplama yeri – №9 yanğın binası.
Tahliye avtobusları Zaporijjâdan yollanacaqtır.

KIYIV VİLÂYETİ

Velıka Dımerka – Brovarı

Toplama yeri –köy şurasınıñ binası, Bobrıtska sq., 1.
Tahliye avtobusları Brovarıdan yollanacaqtır.

• Boğdanivka – Brovarı

Toplama yeri – köy şurası, B. Hmelnıtskıy sq., 219.
Tahliye avtobusları Brovarıdan yollanacaqtır.

Makariv – Jıtomır

Toplama yeri – köy şurası, Rostovskoğo sq., 30.
Tahliye avtobusları Bila Tserkva şeerinde yollanacaqtır.

Bervıtsâ – Brovarı

Toplama yeri – insanlar öz başlarına Bervıtsâ köyünden Radğospna soqağı yönelişinde Trubej özeni keçkenleri Mokrets ve Zavorıçi köyleri arasındaki köpürden keçmek kerekler.

Tahliye avtobusları Brovarıdan yollanacaqtır.