burger

Ukrain halqınıñ yıqısızlığı, birligi ve küçü ayı

Опубліковано 24 March 2022 року, о 11:45

2022 s. fevral ayınıñ 24-ü. Bu kün tün dünyanı deñiştirdi. Epimizni. Hatıramızda ebediyen saqlanacaqtır.

Ukrain halqınıñ rus işğalcilerine qarşı topraqlarını ve serbestligini cesürca qorçalaması üzerinden tam bir ay keçti.

Ukraina Silâlı Quvetleriniñ ve territorial mudafaanıñ askerlerimiz er kün şiddetli küreşlerde işğalcilerfe layıq bir şekilde qarşılıq bereler. Ukrainalılar tanklarnı silâ qullanmadan turturalar ve işğal altındaki şeerlerde narazılıqlarğa çıqalar, tek bir kün içinde devlet boyunca eñ yahşı göñülli koordinatsiyasını yarata bildik.

Fevral ayınıñ 24-ü gecesi alçaq tam masştablı işğal balaştqan duşman, Ukrainanı esit ve zapt etmek içün bizge ve özüne bir qaç kün berdi.

Bir ay keçti. Duşman tüm afğan cenki boyunca ğayıp etmegenine qadar ğayıp etti. Ukrainada bu 28 künde öldürilgen rus askerlerniñ sayısı 15 600ü keçti. Sovet ordusınıñ Afğanistanda 13 300 asker ğayıp etkenini hatırlatayım. 10 yıllıq kampaniyada.

Küçlü ve quvetli milletniñ qurulğanı bir aydır. Dünya böyle bir birlik körmegendir… Bütün medeniy ülkeler, devletimizniñ sebatına, askerlerimizniñ cesaretine ve degerleri içün bergeni mucadelede milliy birlikke ayrandır.

Dünya, qaramanlarımıznıñ cebede ne qadar cesurca cenkleşkenlerini kördi. Vatandaşlarımız duşmanğa arqada ne qadar cesur bir tirenüv köstereler. Göñüllilerimiz, qurtarıcılarımız, ekimlerimiz er bir saniye ayatlarını muhatarağa atılaraq, tınç yaşağanlarnı yıqıcı ateş altında sığanaqlardan qurtarıp telükesiz yerlerge tahliye eterek aş, suv ve ilâçlarnı ketireler.

Bu ay boyunca er askeri yerinde özberinen Ğalebe içün cenkleşken tüm ülke millionlarca kişilik bir Halq ordusına çevirdi.

 

Bizim serbest Ukrinağa qorçalağan er keske teşekkür bildiremiz!

Ğalebe künü kelecek ve barışıq kök altında er ukrain şeeri üzerinde mavi ve sarı bir bayraq – serbestlik ve demokratiya bayrağı, anavatan içün büyük sevginiñ timsali dalgalanacaqtır!