burger

İrina Vereşçuk: «10 azat etilgen ukrain askeri endi Kıyıvda – deñişme MMB, UTH ve Qırmızı Haç ğayretlerinen kerçekleşti»

Опубліковано 25 March 2022 року, о 15:31

Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, Ukraina Prezidenti Volodımır Zelenskıynıñ emrinen mart ayınıñ 24-ünde 10х10 deñişme keçirildi.

«Azat etilgen askerler Ukrainanıñ paytahtına keldiler, – dep daa doğru ayttı. – Emrimnen olar Vaqtınca işğal etilgen topraqlarınıñ reintegratsiya meseleleri nazirliginde qarşılandı. Şimdi olarğa kerekli yardım berile ve yaqın zamanda başqa nazirliklerıñ yardımınen evlerine ketmege yardım etilecek».

İrina Vereşçuk qayd etti ki, Milliy malümat bürosınıñ faaliyetiniñ çerçivesinde Ukraina telükesiz hızmetinen işdeşliginde ve Qırmızı Haç Halqara eyyetiniñ vekilliginen mezkür deñişme kerçekleşti.

Hatırlatamız, Milliy malümat bürosı (MMB), Ukraina Nazirler Kabinetiniñ qararını yerine ketirmek içün teşkil etildi ve onıñ vazifesi tüm mümkün olğan menbalarnı qullanaraq em ukrain, em de işğal ordusı tarafınıñ aşağıdaki kişileri aqqında malümat toplamaq ve umumiyleştirmektir:

– arbiy esirler,

– öldürilgenler,

– habersiz ğayip olğanlar,

– hastalar ve yaralanğanlar.

Daa işğalciler tarafından qanunsız olaraq em de tınç yaşağan eali arasında tutulıp esir etilgenler.

Rus-ukrain cenki vaqtında alâqanı coyğanıñız aqrabalarıñıznı qıdırsañız – böyle vastalarınen MMBna muracaat etiñiz:

  •  24 saat işlegen MMBnıñ “Sıcaq hattı”:1648 ve +38 (044) 287-81-65;
  • [email protected] elektron poçtası;
  • MMBnıñ saytı – nib.gov.ua, ğayip olğanlarğa dair malümat talabı içün mahsus forma vastasınen;
  • Telegram – @nib_uncp_bot ;
  • Facebook saifesinde.

MMB, aqrabañıznı tapmaq ve onıñ aqqında aqiqatnı ögrenmek içün kerçek bir fırsattır.

Büro, bugün bile, profil meselelerinen bağlı tahminen 300 vaqianı işley ve qayd ete. Faqat daa çoq talap bar. Büronıñ salâhiyetine uyğun olmağanda, insanlarğa qaysı müessisege muracaat etecekleri mevzusında tavsiye eteler.

MMBnıñ halqara-gumanitar uquqqa mücibi işlegenini qoşayıq. Bu cümleden: Arbiy esirlernen tutma aqqında (III) Cenevre şartnamesiniñ 122. maddesi ve Cenk vaqtında grajdanlarnıñ qorçalanması aqqında (IV) Cenevre şartnamesiniñ 136. maddesi.