Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, mart ayınıñ 25-indeki gumanitar koridorlarnıñ neticelerini esabat etti.

Mart ayınıñ 25-inde Mariupoldan Zaporijjâğa öz naqliyatınen deyerli 3 biñ kişi keldi. Daa 4 biñ mariuopllı, avtobuslar vastasınen Berdânsktan merkezleştirilgen olaraq tahliye etildi.

«Şu anda avtobuslar sutunı Zaporijjâğa yolundadır. Berdânskqa benzin ketirildi ve Zaporijjâğa ketmek içün mariupollılar yañıdan bedava öz maşnalarına benzin qoya bileler», – dep nazir qayd etti.

DİQQAT! Benzin qoyma yeri Berdânskta Melitopolske şose soqağı 78b adresinde bulunmaqtadır. Daa Berdânskta mariupollılarğa yardım etmek içün gumanitar ştablarnıñ işlenmesi içün 80 tonnalıq aş, ilâç, ilk kerekli eşyalar, ekmek yapmaq içün un ketirildi.

Gumanitar ştablarnıñ alâqa malümatı (tel.):

–  36276;

–  35252;

–  0975515917;

–  0504397529.

Daa kerkli malümat ögrenmek içün mariupollılar Zaporijjâdaki telefon merkezine muracaat ete bileler:

– 0952204111;

– 0672204112;

– 0800503508.

İrina Vereşçuknıñ sözlerine köre, mart ayınıñ 25-inde Melitopoldan Zaporijjâğa 531 kişi tahliye etildi. Şeerge gumanitar yardım ketirildi.

«Yarın içün Mariupolğa ve Kıyıv ve Lugansk vilâyetleriniñ meskün yerlerine gumanitar koridorlaq aqqında añlaşamız», – dep memur qayd etti.

Vitse baş nazir, Rostov-na-Donuda Halqara Qırmızı Haç ofisiniñ açılmasınıñ planlanğanınıñ beyanatını tefsir etti:Biz

«rfdan, Mariupoldaki işğalciler tarafından mecburen sürgün etilgen tüm vatandaşlarımıznıñ cedvellerini alması ve olarğa Ukrainağa keri qaytma fırsatı bermesi içün Prezident Peter Maurerge resmen muracaat ettik», – dep İrina Vereşçuk qayd etti.

Şu anda Ukraina bu hitapnıñ neticelerini bekley.