«UATV» telekanalınıñ canlı yayınında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, quvetlerni birleştirip Herson vilâyetine işançlı gumanitar koridornı teşkil etmek imkânını tapmağa çağırdı.

Cenkniñ başlanğıcından Herson ve vilâyetiniñ şeerleri vatandaşlarınıñ cesareti ayrette qaldıra. İnsanlar, raşistlerniñ çağırtmaları ve tehditlerini körmesizlikke uraraq ve ayatlarını riskke ataraq ukrain bayraqlarınen soqaqlarğa çıqalar.

“Herson ve hersonlılarnıñ nasıl cenkleşkeinin köremiz. Kimseni unutmaycaqmız! Marşrut endi azırlandı ve BMTna muracaat ettik – anda mart ayınıñ 26-sında ya da ögünemizdeki künlerde halqara teşkilâtlatnıñ vekilleri, şu anda vaqtınca işğal etilgen ve ordumıznıñ olmağanı şeerge öz naqliyatınen ketmege tırışacaqlarına söz berdi. Papa nuntsiatı bizge muracaat etti ve bu kordiornıñ teşkil etilemsine qatılma sözü berdi“, – dep Vitse baş nazir yañı marşrut üzerinde çaluşmalarnıñ hususiyetlerini añlattı.

İrina Vereşçuk dünya cemaatını ve alâqası bar olğan er kesni bu teşebbüske qatılmağa çağırdı:

Sevgenimiz Herson ve Herson vilâyetine gumanitar koridornı qırmaq içün quvetlerimizni birleştireyik!