Ukraina Vitse baş naziri İrina Vereşçuk, artıq tek doğru qarar bermege qarar bermeleri içün bugün tüm medeniy dünyanıñ taqdiriniñ bağlı olğanı devletlerniñ liderleriniñ diqqatını çekmege tırışaraq bir muracaat yaptı.
İşğalciler, ÇAES musadere zonasını askeriyleştirmege devam eteler. Bu, stantsiyanıñ 1986 s. patlamasından soñ dörtünci energiya bloku üzerinde inşaat etilgen tecrit etici yapığa zarar berme mevzusında çoq ciddiy bir risk yarata. Bu tür ziyan qaçınılmaz olaraq müim miqdarda radioaktiv toznıñ atmosferağa kirmesine yol açacaq ve tek Ukrainanı degil, başqa devletlerni de kirletecektir.
İşğalciler, atom stantsiyasınıñ yaqın çevresinde müim miqdarda silâ ketirmege ve saqlamağa devam eterek bu tehditlerni körmemezlikke uralar. Rus işğalcileri, AESnıñ tecrit etici yapılarından bir qaç metr uzaqlıqtai Prıpyat şeerinden er kün onlarca tonna reaktiv mermi, namlu toplar içün mermi ve mina topu arbiy aletlerini ketireler. AESnden de qısa mesafede bulunğan Prıpyatnıñ qomşu şeeri Çornobılda yüzlerce tonna arbiy alet saqlana.
Soñ zamanlarda rus işğal ordularınıñ daa çoq eski ve keyfiyetsiz arbiy aletlerni qullanğanını, amma bunıñ da olarnıñ ketirilmesi vaqtında detonatsiya riskini artqanını qayd etmek kerek. Rus arbiy anbarı ve mağazlarında bu tür arbiy aletlerniñ özüne patlamasınıñ kerçekleri yahşı belli ve muntazam olaraq ola.
Bunndan ğayrı, musadere zonasında çoq ciddiy neticelerge yol aça bilecek büyün yanğınlar başladı. Amma bugün, rus işğal quvetleriniñ musadere zonasını işğal etimesi sebebinden yanğınlarnı tam olaraq kontrol etmek ve söndürmek mümkün olmay.
Yanma neticesinde, rüzgârnıñ uzun mesafelerrge tarqata bilecegi radionuklidler atmosferge kirir, bu da tek Ukrainada degil, başqa avropa devletlerinde de radiatsiyanı tehdit eter. Musadere zonası üzerindeki kontrolnıñ ğayıbı ve yanğınnıñ tam olaraq sözdürilmemesi, bölgedeki radiatsiya inşaalarını tehdit ete bilir.
Bu afta, işlerinde 600 saatten ziyade zaman bulunğan ve işğalcilerniñ basqısı altında vazifelerini cesurca yapqan ÇAESnıñ hadimleriniñ tam rotatsiyası keçti. Bu işçiler qarşılığında, altısı qadın olğan 59 mütehassıs, ÇAESnıñ telükesiz bir şekilde işletmesini temin etmek içün Çornobıl atom elektrik stantsiyasına ketmege qabul etti. Episini işğalcilerniñ reineleri olaraq sayamız.
Özek telükesizligi kontekstinde rus askerleriniñ mesüliyetsiz ve ihtisassız areketleri tek Ukraina degil, yüz millonlarca avropalı içün ciddiy bir telükedir.
Bunıñ içün BMTnıñ Telükesizlik şurasından, Çornobıl AESnıñ musadere zınalarınıñ silâdan arıtılmasına dair tedbirlerini aceleliknen keçirmege ve rus işğal ordularınıñ areketleri neticesinde Çornobıl qazasınıñ tekrarlanma riskini yoq etmek içün o yerge BMTnıñ mahsus missiyasınıñ kirsetilmesini talap etemiz!