Devlet nasıl adımlar yapa ve evlerine qaytmaq içün rfna mecburen sürgün etilgen ukrainalılar neni hatırlamaq kerekler
Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk şaşırtıcı raqamnı ayttı: arbiy areketler zonalarından ve vaqtınca işğal etilgen topraqlarından rusiye federatsiya yönelişine Ukrainanen kelişilmegen kvazigumanitar koridorlar vastasınen işğalciler 40 biñ vatandaşını çıqardı, olarnıñ arasında çoq bala bar. Aynı zamanda tecavuzcılar, tınç yaşağan ealiniñ ukrain akimiyetiniñ nezareti astındaki topraqlarına tahliyesine er türlü mania olalar.
Qırmızı Haç – şübeli bir aracımı?
Ukrain akimiyeti, bu qanunsız ve kelişilmegen rus “koridorları” aqqında dünya cemaatını haberdar ete. İşğalciler insanlarnen özüni tutqanda insaniyetsiz usullarnı qullanalar. Böylece, İrina Vereşçuknıñ sözlerine köre, mecburen alınğan kişiler Donetsk ve Lugansk yanında yerleşken mahsus filtr lagerlerini keçeler. Anda olar “işançı” ve “işançsız”larğa bölüneler. Soyundırtar, vesiqaları ve şahsiy eşyaları alınır, telefonı teşkerilir v.i.
Beñzegen bir planğa köre, Kıyıv vilâyetiniñ vaqtınca işğal etilgen taoprağında faaliyet kösterirler ve ukrain vatandaşlarını mecburen Belarusqa ketirirler.
Aynı zamanda tüm gumanitar cceryanlarda aracı olmağa tırışqan Halqara Qırmızı Haç Eyyetiniñ (HQHE) nazar noqtası, moskvanen açıqtan-açıq bir flirt kibi körüne. Ukrainalılarnıñ işğal etilmegen topraqlarına tahliyesini qolaylaştırmaq yerine, esasen olarnıñ rostov-na-donuğa çıqarılması içün menfaatını qorçalay. Reberi Piter Maurernıñ ukrain ve rus taraflarınen aytışmalar soñ tamam anda HQHEniñ öz vekilligini açmaq niyeti bar.
Aynı zamanda İrina Vereşçuk inandırğanı kibi, Ukraina er bir vatandaşı ve onıñ evine qaytarılması içün cenkleşmege vazgeçmeycek.
Mecburen sürgün etilgenler içün ayat qaideleri
Ukraina Vitse baş naziri, mecburen çıqarılğan tüm vatandaşlarına nasıl areket etecekelri mevzusında tavsiyelernen muracaat etti.
rfda bulunsañız
- Mümkün olğan eñ qısqa sürede bağlanıp ukrain tarafına öz alâqa malümatıñıznı beriñiz. İnsannıñ qayda olğanını añlamağa ve insanlarnıñ qaytarılması içün BMT ve başqa halqara müessiseler vastasınen eñ acele şakilde talap azırlamağa yardım etecek.
Dostlatıñız, aqrabalarıñıznen bağlanmağa tırışıñız.
- İç bir şeyge baqmadan pasportıñıznı bermemege tırışıñız. Pastortnıñ yanıñızda qalması içün eliñizden kelgeni er şey yapıñız.
«İnsan baplanğan soñ olarnı “Diaa”da yañıdan vesiqalaştıracaqmız. Bu mehanizm üzreinde şu anda çalışamız»,- dep İrina Vereşçuk añlattı.
Pasportnen aldatılıp idare etilmesinden qaçınıñız: işaretler, müürlerni qoymağa, yazılğan malümatnı kirsetmege izin bermeñiz.
- İç bir vesiqanı imzalamañız.
- Alınğan kişiler içün lagerlerge ketmege (mümkün olğanı kibi) qabul etmeñiz.
“DHC”da bulunsañız
Mında filtr lagerleri işley – ukrain vatandaşlarınıñ teşkerilmesi içün mahsus yerler. Böyle bir lagerde olsañız, böyle qaidelerge raiyet etiñiz:
- Telefonıñızdan tüm “şübeli” malümatnı çıqarıñız: siyasiy meselelerniñ, arbiy areketlerniñ muzakereleri, arbiy tehnikanıñ ve viranlarnıñ foto resimleri. Haberlerniñ muzakere etilgeni çatlardan çıqıñız ve kanlalar abuneligiñizni iptal etiñiz. Bir qaç mesencerni qullansañız, eñ az qullanılğannı qaldırıñız. Telefonıñızda ve tüm içtimaiy ağlarda eki faktorlı autentifikatsiyanı yükleñiz.
- Sorğu vaqtında özüni azamiy olaraq bitaraf tutuñız, provokatsiyalarğa oğraşmamağa tırışıñız, siyasiy nazar noqtañıznı muzakere etmeñiz ve laf etmege başlamañız.
rfndan çet memleketke: mümkünmi?
rfdan nasıl ketmek? Qanunlarğa köre ukrain vatandaşlarınıñ çıqmaları içün er angi bir sıñırlama yoq. ABniñ toprağına kelip er bir devletke ketiñiz. Anda vaqtınca imaye statusını vesiqalandırıñız. O, vaqtınca mesken, imtiyazlar ve maliyeviy yardımnı almağa yardımcı ola. Daa siz bu statusnı vesiqalaştırmaya bilirsiñiz, öz başına mesken ve işni tapa bilirsiñiz.
DİQQAT! Ukrain vatandaşlarına tibbiy ve uquqiy yardım bedava berilir. Avropa Birliginde siziñ sim-kartlarıñız ve bank kartlarıñız, rusiyege olmağanı kibi, çalışa.
rfdan ketme marşrutı: ameliy tavsiyeler
İlk variant, eñ oñaytlı: estoniya sıñırından, İvanğorod – Narva yoqlav keçiti.
Bunı yapmaq içün Sank-Peterburğa trennen ketiñiz. O yerden ise İvanğorodğa (2 saatlik bir seyaat).
Narvadan Tallinnge – 2 saat. Ukrain vatandaşları içün bedava. Estoniyağa ketip, 12-47 ya da +3726001247 bedava nomera vastasınen er bir meselege dair yardım almaq içün muracaat etiñiz
Ekinci variant: rusiyede Ecolines avobusınıñ Pığağa (Latviya) ya da Vilnüske (Litvaniya) bilet ala bilirsiñiz.
Bu tavsiyelerge riayet eterek, siziñ raatıñız ve eminligiñiz yaramay vaziyette yardımcı ola bilir.
Eñ müim şey hatırlamaq: Ukraina er bir vatandaşını qayğıra ve qorçalaycaq ve evlerine qaytaracaqtır.