“Ukraina 24” telekanalınıñ canlı yayınında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, İstanbuldaki mevcut aytışmalardan soñ şu anda aktual olğan yönelişlerde yañı gumanitar koridorlar teşkil etmek imkânını tefsir etti.

“İstanbulda rus tarafınen aytışmalarda delegatsiyamız, Ukraina Prezidentinden Çernihiv, Harkiv, Herson ve vilâyeti, paytah bölgesi, em de, elbette, Mariupol kibi büyük şeerlerge gumanitar koridorlarnıñ açılması mevzusında talimat aldı. Şimdi bu gumanitar koridorlarnı açmamız içün daa büyük bir fırsat bar. Faqat rusiyeniñ inancı alâ daa yoq. Vekilleriniñ Kıyıv ve Çernihiv yönelişlerinde ordularını keri çıqarğanlarına dair bildirmesine baqmadan, soñuna qadar küçlü, toplu turğan ve dayanıqlı olmalımız. Ve tek bu şekildde qazana bilecekmiz!” – dep Reintegratsiya nazirliginiñ reberi qayd etti.