burger

Tahliyege ya da acele gumanitar yardımğa ihtiyacıñız barmı? – resmiy Telegram botunıñ imkânlarını qullanıñız

Опубліковано 29 March 2022 року, о 11:43

Ukrainanıñ vaqtınca işğal etikgen topraqlarınıñ reintegratsiya meseleleri nazirligi, Ukraina içki işler nazirligi, Ukrain rayon ve vilâyet şuraları birleşiminiñ Yerli öz idare organları koordinatsiya merkezinen beraber, ealiniñ tahliyesiniñ teşkil etilmesi ve arbiy areketler zonalarında ve işğal etilgen topraqlarda acele gumanitar yardımnıñ berilmesi içün @Evacuation2022_bot Telegram botu işlendi.

Bot nasıl qullanılır?

Vatandaşlar içün adım adım talimat:

1. Telegramdaki qıdırmağa botnıñ ismini kopiyalañız

2. Botnen dialog başlatmaq içün «start» basıñız

3. «Telefon nomerañıznı tasdıqlañız» ve «share» dögmelerine basıñız

4. Nege ihtiyacıñız olğanını: «Tahliye» ya da «Gumanitar/tibbiy yardım» saylañız.

Tahliyeni saylağan olsañız, tahliye etmege istegeniñiz vilâyet ve rayonnı saylañız

– Cemaatnı saylañız. Cemaatnıñ ismi belli olmasa, bu adımnı qaçırıñız

– Meskün yerniñ ismini yazıñız

– Tahliyege ihtiyac duyğan kişini – siz ya da başqa kişi – saylañız. Onıñ malümatını: adı, doğum tarihı, telefon nomerası, bulunma ya da sığınaq adresi, başqa kerekli malümatnı yazıñız

Gumanitar ya da tibbiy yardımnı talap etken olsañız, ketirme vilâyeti, rayonı ve meskün yerini saylañız

– Siz değil, başqa kişiniñ yardımğa ihtiyacı olsa, ancaq o aqqında malümat beriñiz (adı, doğum tarihı, telefon nomerası, bulunma ya da sığınaq adresi)

– İhtiyacıñız olğan yardımnı: «Tİbbiy yardım ve ilâçlar» ya da «Azıq mahsulatı» saylañız

– Kerekli aşnıñ ya da ilâçlarnıñ adlarını yazıñız

Malümatnıñ mümkün olğan eñ tez şekilde işlenmesi içün sığınaqnıñ bir fotoresmini eklemeñizni ve geolokatsiyañıznı tavsiye etemiz!

Daa tafsilâtlı malümat saytta tapa bilirsiñiz – https://evacuation2022.com.

Daa Reintegartsiya nazirliginde, vatandaşlarğa, merkeziy ve yerli icra akimiyeti organlarına ve yerli öz idar eorganlarına yardım etme ğayretlerini koordinatsiya etmek içün 24 saat işlegen “sıcaq telefon hattınıñ” yaratılğanını hatırlatamız.

Daa vatandaşlar 24 saat işlegen +38 044 355 1478, ve qısqa 0 800 750 107 telefon nomerlarına muracaat ete bilirler.