“Ukraina 24” telekanalınıñ canlı yayınında Vitse baş nazir – Ukrainanıñ vaqtınca işğal etilgen topraqlarınıñ reintegartsiya meseleleri naziri İrina Vereşçuk, gumanitar koridorlarnıñ mevcut çalışmalarınıñ ilk neticelerini añlattı ve çoq zor areket etkenini qayd etti. Onıñ fikrine köre, aytışmalarnıñ arqa planında rusiye bu tür ceryanlarnı er vaqıt zorlaştırır.

Şimdi rusiye yabancı ve yerli istimalcılar içün bir media resmini yaratmaq içün acele ete ve rus tilinde laf etken ukrainalılarğa – şarq ve cenüpniñ sakinlerine – “nefret etkenleri” topraqtan ketmege “yardım etken” barıştırıcı bir devlet olaraq özüni köstere.

– Faqat bunıñ, soñunda qanuniy olaraq qıymetlendirilecek zorbalıq bir çıqarma olğanını bilemiz. Bu tür vaziyetlerde ne yapacağımıznı daa çoq aytmaq kerekmiz. Rus propaganda resmi ise faydasızdır. Mariupollılar, olarğa – balalar, qadınlar, qartlarğa bomba atqanını pek yahşı bileler. Ve bu televizyon ikâyeleri, işğalcini, hususan halqara gumanitar uquqnı ve bir qaç şartnameni bozma mevzusındaki qaçınılmağan mesüliyetten tamam qurtarmaycaqtır, – dep Reintegratsiya nazirliginiñ reberi emindir.

Memur, mecburen yerleştirildenleri çoq insannıñ rus toprağında Ukrainağa qayta bilgenini ilân etti. Ve ükümet, bu tür insanlarnı desteklemek içün bir programma azırlay. Neticesinde, olarnı beklegenini ve olarğa yardım etilecegini bilmek kerekler.

– Şahısını tasdıqlanğan vasiqalar (yazıq ki, ruslar olarnı sıq alalar)  yanınıda ve imkânı olsa, ukrain konsullıq müessiselerine ya da o yerge telefon etmek kerek. Böylece kerçek yardım ala ve Ukrainağa qayta ve çalışa bileceksiñiz, – dep nazir tavsiye etti.