Ukrain buhran media merkezinde brifing vaqtında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, gumanitar koridorlarnıñ işiniñ esas vazifeleri ve meselelerini añlattı.

  «Bugün Mariupol – Zaporijjâ esas koridorı üzerinde çalışamız, – dep o daa tafsilâtlı ayttı. Anda kerçekten dünya masştablı gumanitar bir felâket bar. Dünyanıñ er yerindeki insanlar, rus işğalcilernin grajdan obyektlerge yapqanı ava ücümleriniñ, balalarımıznı ve qadınlarımıznı öldürgen şaşırtqan neticelerini online olaraq köre bilirler».

İrina Vereşçuk qayd etti: ukrain akimiyetiniñ esas vazifesi, gumanitar koridornı açmaq ve insanlarğa sağ qalmağa yardım etmek. Zaporijjâdan Berdânskqa 45 avtobus yollandı ve şu anda Vasılivka blok noqtasında bulunmaqta.

Faqat rusiye federatsiyası daa bir kere sutunğa yol bermey.

«Bunıñ içün dünya cemaatından diqqatını daa bir kere fokuslandırmasını ve insanlarğa işğal etilgen Mariupoldan çıqamğa yardım etmesini rica ve talap etemiz!» –  dep İrina Vereşçuk dünya cemaatını çağırdı.