“Ukraina” media merkezindeki brifing vaqtında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, keçenlerge qadar bu teşkilâtnen işdeşliginiñ istenilgen neticelerni bermegenini haberdar etti.

«Halqara Qırmızı Haç eyyeti teşkilâtından birinciden mandatına riayet etmesini talap etemiz, – dep İrina Vereşçuk añlattı. – Bu, bir qaç esas meseleniñ çezilmesi: gumanitar koridorlar, arbiy esirler ve grajdan reinelernen tutma, habersiz ğayıp olğanlar ve öldürilgenler. Bu, tek HQHEniñ salâhiyetidir. Ukrain tarafı ve diger teşkilâtlarnıñ bu malümatqa irişimi yoq».

İrina Vereşçuk qayd etti: endi berilgen yardımnıñ, hususan 500 tonnalıq gumanitar yükniñ emiyetligini iç bir şekilde küçümsemeymiz. Amma şimdi Ukrainanıñ vaziyetini qurtarmaq içün Qırmızı Haçnıñ daa qararlı ve semereli iştiraki kerek, – dep Vitse baş nazir hulâsa çıqardı.