Berdânsk ve Melitopoldan Zaporijjâğa gumanitar koridorlar vastasınen öz naqliyatınen 1,4 biñden ziyade vatandaş keldi. 771-i ise Mariupoldan ve 670-i Berdânsk, Melitopol, Poloğı, Orihiv ve Vasılivka kibi Zaporijjâ vilâyetiniñ meskün yerlerindendir.

Lugansk vilâyetinde Severodonetsk, Rubijne, Lısıçansk, Kreminna ve Popasnadan 1,7 biñden ziyade insan tahliye etildi.

Berdânsktan mariupollılarnen 42 avtobus ve Melitopoldan yerli sakinlernen 12 avtobus Vasılivkanı keçti. Bu, 2,5 biñden ziyade insandır. Avtobuslardan soñ 300den ziyade şahsiy maşna kete. Olar Zaporijjâğa kete.

Daa bugün Zaporijjâdan Berdânskqa 80 tonnalıq gumanitar yardımnı ketirgen 10 avtobus ketti. Yarın saba olar mariupollılarnı tahliye etmege devam etecektir.