Brifing vaqtında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bugün içün tahliye planını ve gumanitar koridorlarnı añlattı.

Onıñ malümatına köre, Mariupoldan Zaporijjağa gumanitar koridor vastasınen insanlarnıñ tahliyesi devam etmektedir.

Şu anda Berdânsk astında 17 avtobus bulunmaqta:

• 10-u Berdânsktan mariupollılarnıñ ve yerli sakinlerniñ tahliyesi içün.

DİQQAT! Avtobuslarğa şeerge yol berilmese, insanlar şeerniñ kirişindeki blok noqtasına kelmege rica etecekler – naqliyat olarnı anda bekleycektir.

• 7 avtobus ise Mariupolğa Halqara Qırmızı Haç eyyetiniñ ozğarmasınen daa yaqın ketmege tırışacaq.

Daa Mariupoldan Zaporijjâğa koridor vastasınen şahsiy avto naqliuyatınen ketmek mümkün.

Bundan ğayrı, bugün Lugansk vilâyetiniñ Severodonetsk, Popasna, Lısıçansk, Rubijne şeerilerinden ve Hıjnye qasabasından insanlarnıñ tahliyesi planlanır.

«Onı başlatmaq içün işğal ordularınıñ ateşni bitirmesini bekleymiz!»- dep İrina Vereşçuk qayd etti.