Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri, aprel ayınıñ 4-ünde 3376 vatandaşnıñ telükesiz yerlerge tahliye etmege becergenini añlattı.

Bu cümleden, Mariupol ve Berdânsktan Zaporijjâğa gumanitar koridorlar vastasınen öz naqliyatınen 2 405 kişi keldi. 1 555 kişisi Mariupoldan.

Aynı zamanda 805 kişi Poloğı, Vasılivka, Berdânsk ve Melitopol kibi Zaporijjâ vilâyetiniñ şeerlerinden çıqtı.

İrina Vereşçuk ayrıca qayd etti ki, kelişilgen marşrut boyunca Halqara Qırmızı Haç eyyetiniñ delegatsiyasınıñ ozg-ğarmasınen ketken mariupollılarnıñ tahliyesi içün 7 avtobustan ibaret olğan sutun alâ daa Donetsk vilâyetiniñ Mahğuş şeerinde bloklanğandır.

Daa Lugansk vilâyetiniñ Lısıçanks, Severodonetsk, Rubijne, Kreminna ve Ğirske şeerlerinden 971 kişi tahliye etildi.

– Añlaşmalarğa baqmadan, bugün işğalciler Lugansk vilâyetindeki tahliye vaqtında tınç rejimini muntazam tarzda bozmaqtalar. Şu anda aytışmalarnı keçiremiz ve rusiye federatsiyasınıñ yapqanı gumanitar koridorlarğa qarşı çıqmağa baqmadan insanlarımıznı qurtarmağa tırışmağa red etmeycekmiz, – dep Reintegratsiya nazirliginiñ reberi inandırdı.