Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçu, 2022 s. aprel ayınıñ 5-inde işlegen gumanitar koridorlarnıñ neticelerini añlattı.

Onıñ sözlerine köre, bugün 3 846 kişi tahliye etildi.

Bu cümleden, Mariupol ve Berdânsktan Zaporijjâğa öz naqliyatınen 2 216 vatandaş keldi. 1496-sı Mariupoldan ve 720-si ise Poloğı, Vasılivka, Berdânsk, Melitopol şeerlerinden.

Aynı zamanda Halqara Qırmızı Haç eyyetiniñ ozğarmasınen ketken insanlarnıñ Mariupoldan tahliyesi içün 7 avtobusü Manğuş şeerinde bloklanğan soñ keri qaytmağa mecbur oldı.

İrina Vereşçuk qayd etti ki, yol boyunca bu avtobuslar vastasınen Berdânsktan mariupollılar ve yerli sakinler tahliye etildi.

Daa avtobuslar sutunı arqasında 49 sahşiy maşna kete. Endi yaqın zaman içinde tahminen 400 kişi Zaporijjâda telükesizlikte olacaq.

Saba Berdânskqa yollanğan 17 mikroavtobus Zaporijjâğa qayttı. Olar vastasınen Lısıçansk, Severodonetsk, Rubijne ve Kreminna şeerlerinden 150 vatandaş tahliye etildi.

Bundan ğayrı, Lugansk vilâyetinden 1 080 kişi tahliye etmege becerdik, dep İrina Vereşçuk bugünki tahliyeniñ neticelerini añlattı.