Ukraina Vitse baş naziri İrina Vereşçuk emin: Kıyıv vilâyetinde tınç yaşağan ealige işkence yapqan arbiy cinayetçilerniñ iç biri cezadan qaçamaz. Tüm dünya ukrainalılarğa qarşı genotsidni maküm etmeli ve Ukrainanı desteklemek içün uyğun qararlar bermeli. Askine cinayetniñ sessiz iştirakçisi olacaq, dep İrina Vereşçuk tüşüne.

Buçadaki şok alına ketirgen vaqialar avropa liderleriniñ qararlarına tesit etmese, qabaatsız olaraq öldürilgen ukrainalılarnıñ qanı olarnıñ ellerinde olacaq, dep ukrain memurı ayta.

«Böylece Buça, Ğostomel, Borodânkadaki vaqialardan cevapkâr olacaqlar. Em de şu anda Mariupolda olğan şeylerden!»- dep CNNge intervyü bergende o qayd etti.

«Ruslarnıñ canavarlıqları başqa bir saylavnı qaldırmay. Ya olarnı bütün dünyanen beraber makün etecekmiz ve soñsuzğa qadar epishanege atacaqmız ya da öz başımıza olarnı tapıp cezalaycaqmız!» – dep İrina Vereşçuk söz berdi.