BFM TV tele şirketiniñ canlı yayınında Vitse baş nazir İrina Vereşçuk, dünya cemaatını, rus ordusınıñ Ukrainada tınç yaşağan ealine qarşı yapqanı çoq qorqunç cinayetniñ araştırılmasına qatılmağa çağırdı.
Memur, Prezident Volodımır Zelenskıynıñ ihtisaslı adaletli tahqiq içün halqara mütehassıs gruppasını teşkil etme teşebbüsini destekley. İrina Vereşçuk, halqara makemeniñ ve dünya cemaatınıñ, ruslarnıñ Ukrainadaki cinayetletini garjdan ealige qarşı bir genotsid aktı olaraq tanımaq kerekligine inana.
«Qadınlarğa, balalarğa işkence etken insan olmağanlarnıñ çoqusınıñ yüzüni zaten bilemiz, tüm körgezmeli faktlarğa, video nezaret kameralarınıñ videolarına saip olamız. Qaysı arbiy qısımlarğa mensüp olğanlarını ve komandanlarınıñ kim olğanlarını bilemiz. Zemaneviy tehnologiyalar bunı açıqça ögrenmege yardım etecektir», – dep İrina Vereşçuk haberdar etti.
Er cinayetçiniñ tesbit etilip cezalandırılmaq kerekligini qayd etti.