40 künlük olu masştablı tecavuzda rusiye, Ukrainağa emsali olmağan ğayıplar ve zarar ketirdi. Eñ ağırtıcı ve yeri toldurılmaz ğayıp, insan ayatıdır. Olarnı asla afu etmeycekmiz, dep Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk inandırdı. Er bir ayat içün intiqam kelecek.

Aynı zamanda büyük iqtisadiy ğayıplarımız var. Bu, yüzlerce ve biñlerce viran etilgen bina, yüzlerce köpür, mektep, bala bağçası ve hastahane, ava limanı, müessise, on biñlerce viran etilgen yol.

«Mücessem astyapınıñ doğru ğayıpları, “Rusiye ödeycek” leyhası çerçivesinde ükümet taqımınıñ Reintegrastiya nazirliginen işdeşliginde Kıyıv iqtisadiyat mektebiniñ esaplamalarına köre, 2022 s. aprel ayınıñ 1-inde eñ az 68 milliard AQŞ dolları oldı»,- dep İrina Vereşçuk ög esaplamalrnı añlata. Bu, 2 trillion grivnadan ziyadedir. Vastalı ğayıplarımız ise deyerli 10 qat daa ziyadedir.

Memurnıñ sözlerine köre, keçenlerde qabul etilgen “Rusiye Federatsiyasınıñ silâlı tecavuzı neticesinde Ukrainağa ketirilgen ğayıplar ve zararnıñ esaplanıp tapılması yol-yoruğınıñ tasdılanması aqqında” ükümet qararına mücibi Reintegratsiya nazirligi, ğayıplarnı esaplamaq içün tüm nazirliklerniñ çalışmalarını koordinatsiya etmege ayırılğan.

Olar, 15 kategoriyağa köre tesbit etilecekler: iqtisadiyat ğayıpları, astyapı ğayıpları, etraftaki müit ğayıpları, medeniy miras ğayıpları vb.

Cenk alâ daa bitmese de, işğalci er kün devletimizni viran etse de, Reintegratsiya nazirligi ve Ükümet bu işni endi başlattı.

«Rusiye, XXI a. tecavuzcı bir devlet olaraq, tüm ğayıplarnı tam olaraq ivaz etecek ve yapqanı içün mesüliyetke çekecektir. Ve tüm ükümet taqımı bunı becermek içün tüm ğayretlerini kösterecektir»,- dep Reintegratsiya nazirliginiñ reberi inandırdı.