«Freeдом: UA» kanalında umumiy ukrain telemarafonınıñ canlı yayınında Ukraina Vitse baş naziri İrina Vereşçuk haberdar etti ki, böyle degen DHCniñ askerleri, keçenlerde Mariupolğa ketmege tırışqan Halqara Qırmızı Haç Eyyetiniñ vekillerini niayet azat ettiler.

“Anda şimdi eñ qıyın gumanitar vaziyet, 130 biñ sakin reine alındı, – dep memur haberdar etti. – Er kün Zaporijjâğa gumanitar koridornı açmağa tırışamız, amma tamamınen bunı yapamaymız”.

Onıñ sözlerine köre, keçenlerde Qırmızı Haç rus tarafınen, Zaporijjâdan Mariupolğa gumanitar koridornıñ açılmasına dair añlaşmağa tırışa edi. Amma böyle degen DHCniñ askerleri onıñ vekillerini reine aldılar.

“Ümüt etem ki, bir qaç künesirlikte olğan soñ olar Zaporijjâğa qaytacaqlar, HQHEniñ reberi Piter Maurerniñ rusiyeniñ koridornıñ işleycegine dair sözleriniñ ve vaatlarınıñ qıymeti aqqında halq ögünde bildirmesini dört köznen bekleyim», – dep o qayd etti.