İtalyan Sky TG24 televizionına intervyü bergende Vitse baş nazir İrina Vereşçuk, Mariupolda ruslarnıñ avuşıcı krematoriylerni faal tarzda qullanmağa başlağanını haberdar etti.

«Rusiye, Qırımnıñ toprağından Ukrainanıñ toprağına avuşıcı krematoriylerni ketirdi. Mahsus hızmetlerimizniñ malümatına köre, işğlaciler böylece cinayetleriniñ masştabını gizlemege tırışa, – dep İrina Vereşçuk  añlattı. – Avuşıcı krematoriyler, rus tecavuzı neticesinde tınç yaşağn vatandaşları arasında kerçek ölüm sayısını keimseniñ bilmemesi içün qullanılır. Çünki halqara cemaat Buçada olğan şeylerden şaşırtqan qaldı. Kremlniñ reberi, dünya cemaatınıñ bu canavarcasına areketlerine qarşı faal tarzda birleşmege azır olğanını kördi ve – ne de olsa olsun – ukrain şeerlerinde grajdanlar arasındaki kütleviy öldürmelerniñ tüm izlerini gizlemege tırışa».