Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, aprel ayınıñ 10-unda işlegen gumanitar koridorlarnıñ neticelerini añlattı.

Böylece, onıñ sözlerine köre:

Mariupol ve Berdânsktan Zaporijjâğa öz naqiyatı ve avtobuslar vastasınen 2622 kişi keldi.

Olardan:

213-ü – mariupollı;

2409-ı – Zaporijjâ vilâyetiniñ (Poloğı, Vasılivka, Berdânsk ve Melitopol) başqa şeerleriniñ sakini.

«İnsanlarnı Berdânsk, Tokmak ve Enerğodardan tahliye etmek içün bugün saba Zaporjjâdan çıqqan avtobuslar sutunları, Vasılivkadaki blok noqtasında işğal ordusı tarafından tutula», – dep İrina Vereşçuk qayd etti.

İşğalcilerniñ tınç rejimini muntazam tarzda bozğanına baqmadan bugün Lugansk vilâyetiniñ Lısıçansk, Severodonetsk, Rubijne, Kreminna ve Popasna şeerlerinden 202 kişi tahliye etmege becerdik.