Rusiye Federatsiyasınıñ Ukrainağa qarşı devam etken tolu masştablı tecavuzı vaqtında rus işğalciler, halqara uquqnı bozaraq, qabul etilemez areketler – ukrain vatandaşlarınıñ, hususan balalarnıñ (bu cümleden, öksüz balalar, ana-babasınıñ vasiyliginden marum etilgen balalar, ana-babası Rusiyeniñ arbiy tecavuzı neticesinde ölgen balalarnıñ) ülkemizniñ devlet sıñırından Rusiyeniñ toprağına qanunsız ve mecburiy çıqarılması yapalar, – dep hitapta yazılır.

Rus vatandaşları tarafından Ukraina qanunnamesinde tesbit etilgen tüm kerekli yol-yoruqlarğa uyğulanmadan qanunsız evlâtlıqqa alınma telükesi köre çarpa.

TİN qayd ete ki, kontekstte, RF tasil nazirliginiñ Donetsk ve Lugansk vilâyetiletindeki – böyle degen “L/DHC”deki rus işğal memuriyetlerinen Ukrainadan qanunsız olaraq sürgün etilgen öksüz balalarnıñ rus ailelerine berilmesine izin berecek “añlaşmalar”nı imzalama niyetinen bağlı malümat ayrıca qasevetlendirir.

BMTnıñ bala aqları şartnamesine mücibi, bu halqara anlaşmalarnıñ tarafları olğan devletler, bu cümleden em Rusiye, em de Ukraina, balalarnıñ qanunsız yerinden alınmasına ve çet memleketleden qaytarılmamasına qarşı küreşmek içün tedbirlerni keçirmek kerek.

Kremlniñ Ukrainadaki cinaiy areketlerine “qanunlı” temelni bermek ınıtıluvı, cenkniñ temel qaideleri ve adetleriniñ, umumiy tanınğan insan aqlarınıñ tsinik ihmal etilmesidir.

Aslında, halqara gumanitar uquqnı ve temeş insanlıq standartlarını ihmal etken Rusiye, devlet seviyesinde balalarnı çala ve ukrain milletiniñ kelecegini yoq ete.

Rus işğalcileriniñ bu tür areketleri kidnapping (insan çalma) olaraq tanıla bilir ve halqara cemaatnıñ, hususan muayyen halqara teşkilâtlarnıñ, qararlı bir reaktsiyası kereklidir.

Bunıñ içün Ukraina tışqı işler nazirligi arizasında BMT qaçaqlar yuqarı komissarınıñ idaresine, Halqara Qırmızı Haç Eyyetine, UNİCEFne, BMT insan aqları yuqarı komissarınıñ idaresine, BMT arbiy çatışmalardaki balalar ve balalarnıñ zorblığı meseleleri baş kâtibiniñ mahsus vekillerine muracaat ete ve ukrain balalarınıñ devletimizniñ toprağına qaytarılması içün acele tedbirlerni keçirmege çağıra.