burger

Biñlerce aile evsiz, elektriksiz ve suvsız qaldı: cenk yaqın olğanda

Опубліковано 15 April 2022 року, о 16:36

Devletimizniñ cenübiy vilâyetlerinde rus ordusı mesken evlerge, mekteplerge ve başqa grajdan obyektlerge raketalar ve toplarnen yüzsüz şekilde ateş açalar. Ukrain ordusını yeñe bilecek küçke ve qabliyetke saip olmağan duşman, grajdan astyapını yoq ete. Bugün ikâyemiz, işğalcilerniñ Mıkolayiv vilâyetine ketirgeni viranelik aqqındadır.

Aprel ayınıñ 15-inde

MIKOLAYİV VİLÂYETİ

Cenkniñ başlanğıcından vilâyetiniñ toprağında ya qısmen ya da tamamınen 2,5 biñ grajdan obyekt bozuldı.

Olardan:

– mesken fond – 1,8 biñ;

– tibbiy müessise – 23;

– oquma müessisesi – 127;

– medeniyet müessisesi – 46;

– sanayı müessisesi – 21;

– gaz teminatı obyekti – 97;

– elektrik teminatı obyekti – 215;

– suv teminatı obyekti – 8;

– qızdıruv teminatı obyekti – 7;

– arbiy olmağan başqa obyekt – 126.

Baştan ve Mıkolayiv rayonlarınıñ 90 meskün yeri elektirksiz ve suvsız qalır. Gazsız ise deyerli 3 biñ qullanıcı.

Rus tecavuzınıñ başlanğıcından 14 biñden ziyade kişi öz evinden ayırdı. Eñ çoq Mıkolayiv, Voznesensk ve Baştan rayonlarından.

Diqqatıñıznı celp etemiz ki, dercde Mıkolayıv vilâyet arbiy memuriyetiniñ resmiy veb menbalarından alınğan malümat qullanıldı. Şu anda nezaretimiz astında olmağan topraqlardaki vaziyetke dair tolu ve doğru isaiyat bermek imkânsızdır.