Aprel ayınıñ 15-indeki oturışta Ukraina Nazirler Kabineti “Minağa qarşı faaliyet tedbirlerniñ acele planını tasdıqlama aqqında” emrini tasdıqladı.

Vesiqanıñ leyhası, Ukraina Vitse baş naziri İrına Vereşçuknıñ emrinen Ukrainanıñ vaqtınca işğal etilgen topraqlarınıñ reintegratsiya meseleleri nazirligi tarafından azırlandı.

Rfnıñ Ukrainağa tolu masştablı arbiy tecavuzı ve ordularınıñ faal arbiy areket etmeleri, muntazam ateş açmaları, şeerlerniñ ve grajdan astyapı obyektleriniñ minalaştırmaları – Ukrainanıñ büyük qısmını pek telükeli yaptı. Bugün eñ çoq minalı bölgege saip ülkeler arasındamız. Toprağımız, er an patlaya ve öldüre bilgen raketalar ve mermilerniñ qalımtıları, piyadege qarşı minalar ve başqa patlayıcı şeylernen toludır.

Şu anda, grajdan ealiniñ, hususan balalarnıñ, telükesiz yaşamınıñ, baar çöl çalışmaşarınıñ yapılmasınıñ, kritik astyapılarğa irişim ve olarnıñ tamiriniñ temin etilmesini pek müimdir.

Böylece, tasdıqlanğan minağa qarşı faaliyet tedbirleriniñ acele planı, planlanğan er şeynin tez ve semereli bir şekilde yerine ketirilmesine izin berecek, teşkil etilmesine alâqası olğan merkeziy icra akimiyet organalrı arasında koordinatsiya ve işdeşligini temin etecek bir qaç teşkiliy adımdan ibaret ola.

Esas tedbirler arasında:

• Milliy minağa qarşı faaliyet meseleleri organınıñ kâtibiyetiniñ çalışmalarınıñ faalleştirilmesi;
• semereli bir malümat toplama ve deñişme sistemasınıñ kirsetilmesi;
• patlayıcı şeylernen bağlı telükeler aqqında halqnı bilgilendirmek;
• kirlengen topraqlarnıñ tehnikiy olmağan/tehnikiy araştırmalarınıñ keçirilmesine halqara ve milliy minağa qarşı faaliyet  operatorlarınıñ qatılımı.

Reintegratsiya nazirliginiñ “Ranok” neşriyatınen beraber er bir patlatıcı tesbit etilmesi vaziyetinde özüni telükesiz tutma qaidelerini añlatqan komiks şeklindeki “Mina telükesizligi işletilme qaidelerisiz olmay” bala kitabını yayınlağanını hatırlatamız.

Hususan, azat etilgen topraqlarında ve etrafında faal minasızlaştırma basamağınıñ devam etkeni aqqında tenbiyeleymiz – özüñizni saqlañız!